Garbin, nagpanawagan a masigurado ti husto a pannakaipatungpal ti 5% senior electricity discount

Nagpanawagan ni Ako Bicol Partylist Rep. Alfredo Garbin Jr. kadagiti ahensia ti gobierno a siguradwen a maipatungpal a husto ti 5 percent discount iti electricity bill dagiti senior citizen.

Segun ken ni Garbin, nasken nga ikissay ti 5 percent discount iti pakabuklan a bill.

Impaganetget ni Garbin a no mayakar iti nagan ti senior ti bill ti koriente ket nasken nga awanen ti service charge ta isu laengen ti pakaipanan ti diskwento.

Saan payen a nasken a dawatan iti papeles ket maysa laengen a valid government ID a mangipakita iti petsa ti pannakaipasngay ti kasapulan.