Maysa a gangannaet iti nakemmeg gapu iti panaglabsingna iti Republic Act 10591 wenno Comprehensive Firearms and Ammunition Regulation Act idiay Barangay Paratong, Sta. Cruz.
Ti nasao a suspek ket New Zealand national, agtawen iti walopulo, naasawaan nga agnaed iti nasao a lugar.
Iti Search Warrant No. 04-2026 nga inruar ti Executive Judge iti RTC Branch 71, Candon City, Ilocos Sur ken insayangkat dagiti otoridad ket nakemmeg ti suspek.
Naala kenkuana iti tallo a piraso iti live ammunition iti caliber 5.56, maysa a piraso iti live ammunition iti caliber 9mm, maysa a maroon-colored leather pouch, maysa a black handgun magazine ken dua a piraso iti brass tubes.
Nakakustodiyan ti suspek ken dagiti naala kenkuana iti Sta. Cruz Municipal Police Station tapno dumalan iti husto a proseso.
