“Game of Thrones” actor, pimmusayen iti tawenna a 35

Pimmusayen iti tawenna a tallopulo ket lima ti aktor a ni Michael Patrick a nabigbig iti akemna iti sikat a serye a “Game of Thrones” kalpasan iti mano a tawen a pannakilabanna iti motor neurone disease.

Segun ti asawana a ni Naomi Sheehan, pimmusay ti aktor idiay Northern Ireland Hospice a nakataripatoanna iti maudi a sangapulo nga aldaw iti biagna.

Kadua ti aktor iti pamilia ken gagayyemna idi pimmusay.

Idi Pebrero 203 ket immunan a na-diagnose ni Patrick nga adda progressive illness-na tallo a tawen sakbay a natay.

Nabigbig ni Patrick iti panagakemna kas maysa a Wildling Rioter iti maika-innem a season iti “Game of Thrones” idi 2016 kangrunaan iti episode a napaulan a “The Broken Man”.