Nainget ti panagbantay ti Coast Guard Ilocos Sur iti kabaybayan nangruna kadagiti mangmangalap a mapan iti taaw.
Dayta ket kalpasan a nairuar ti Gale Warning No. 3 nga inruar iti PAGASA idi kalman gapu iti saan a nasayaat a pul-oy iti angin a pakaapektataran iti Northern ken Western seaboards iti Northern Luzon kangrunaan iti Ilocos Norte ken Ilocos Sur kangrunaan idiay Sinait, Cabugao, San Juan, Magsingal, Santo Domingo, San Vicente, Santa Catalina, Vigan City ken Caoayan.
Iti pannaki-uman ti Bombo Radyo Vigan ken ni Ensign Joselito Casuga a Philippine Coast Guard (PCG) a Deputy Commander iti Coast Guard Ilocos Sur, nabalakadan dagiti manggalap a liklikan pay laeng iti mapan iti taaw tapno saanda a maisagmak gapu iti gale warning wenno ti saan a nasayaat a panniempo.
Segun ken ni Casuga, agtultuloy iti panagturong dagiti kameng ti Coast Guard Ilocos Sur kadagiti coastal area tapno pakaammoan dagiti mangngalap inaig iti nasao a banag.
Ti nasao a banag ket maipagel pay laeng iti panagturong iti taaw dagiti fishing boats ken dadduma pay a babassit a crafts wenno vessels a 15 gross tonnage agpababa, ken uray iti panangisayangkat iti aniaman a klase ti water activities gapu iti Gale Warning Signal kadagiti apektado a lugar.
VIDEO – ENS. JOSELITO CASUGA
