--Ads--
Inaprobaran ti Senado iti maikatlo ken maudi a pannakabasa ti gakat a mangiparit kadagiti kabagian ti sumagmamano nga opisial ti publiko a makipaset kadagiti kontrata ken procurement ti gobierno.
Iti salinong ti Senate Bill No. 1962 wenno Government Contracting and Procurement Integrity Act, sakop ti pannakaiparit dagiti kabagian agingga iti fourth consanguinity.
Ti panggep ti singasing ket tapno malapdan ti korapsion ken pananggundaway ti interes ken masigurado ti patas ken nalawag a pannakausar ti pondo ti publiko.
Apaman a maipaulog, mabalin a maibalud dagiti aglabsing iti maysa agingga iti tallo a tawen, mamulta iti saan kumurang a P100,000.
-- ADVERTISEMENT --
