Manamnama ti full implementations iti napabileg a Senior High School wenno SHS Program para iti school year 2026-2027.
Iti hearing ti Senate Committee on Basic Education nga idaulwan ni Senador Sherwin Gatchalian, pinasingkedan ni Education Usec Malcolm Garma a target ti full roll out ti programa inton sumaruno a tawen kadagiti nasurok 12,600 senior high schools.
Para met iti daytoy a tawen, marugian ti pilot study ti Strengthened Senior High School Program’ iti umay a panagseserrek a pakipasetan ti 727 pilot schools iti intero a pagilian.
Saan laeng a pilot implementation no di ket maadal no kasano kaepektibo dagiti maidatag a reporma para iti nabilbileg a SHS.
Iti salinong ti maipatungpal a curriculum program iti SHS ket gagemna a pagbalinen a college ready dagiti agturpos iti senior high school.
