Impakaammo ti Civil Service Commission ti inisyatibada a suportaran ti fresh graduates ken first-time jobseekers nga agkalikagum ti government positions babaen ti panangidiaya ti libre a Certificates of Eligibility (COE).
Segun ken ni CSC Chairperson Karlo Nograles, kas mayataday ti Republic Act No. 11261 wenno First Time Jobseekers Assistance Act (FTJAA), saanen nga agpabayad dagiti government agencies ti bayat kadagiti first-time jobseekers nga agkiddaw ti common pre-employment documents.
Kinunana nga ammona ti rikna dagiti aplikante a makakompleto ti documentary requirements-na.
Saan laeng nga agbalin nga accessible ti government services ti panangisiaya ti libre a pre-employment documents kadagiti kwalipikado a first-time job seekers ta adadu pay ti employment opportunities para kadagiti Pilipino.
Innayonna a babaen ti panangipaay ti complimentary documents kadagiti first time job seekers ket maallukoy dagiti aplikante nga ag-apply ti career positions ken makipaset ti 1.9 million public servants nga agserserbi iti agduduma nga opisina iti intero a pagilian.
