Impaganetget ti Malakanyang a saan a pinaglibakan ni Vice President Sara Duterte ti mapapati a panangpangtana iti biag ni Presidente Ferdinand Marcos Jr. iti baet ti agtultuloy nga impeachment trial.
Segun ken ni Palace Press Officer Usec Claire Castro, iti napasamak a panagdengngeg ket saan a kinontra ti bise presidente ti pammabasul no di ket freedom of expression laeng ti nagbalin a depensana.
Innayon ni Castro a nabayagen a patangan ti mapapati a death threat kontra iti presidente ken immunan a sinango ni Presidente Ferdinand Marcos Jr kalpasan a rimmuar ti sarita ti bise presidente iti mapapati a pannakipatangna iti maysa nga assassin.
Kabayatanna, inlawlawagna a saan a minonitor ti presidente ti dayta a paset ti impeachment trial ta nakapokus isuna kadagiti taripnong ken dadduma pay a napateg a trabaho ti gobierno.
