--Ads--
Narugianen ti pannakatarimaan ti maysa a flood control project a nadadael idiay Barangay Laslasong West, Santa Maria, Ilocos Sur.
Iti pannaki-uman ti Bombo Radyo Vigan ken ni Barangay Captain Ligaya Foronda, idi last quarter ti 2025 ket adda nakikammayet kenkuana a personnel manipud iti Provincial Engineering Office agingga idi nagsasarunon dagiti immay nga engineer iti barangay a kaduana a nangkita iti site.
Idi umuna a lawas ti Enero 2026 ket adda naki-uman kenkuana a project engineer idinto nga iti maikatlon a lawas ket nangrugin ti mobilization kadagiti equipment.
Nupay kasta, awan pay ti pakakitaan no mano ti badyet iti nasao a pannakatarimaan ti proyekto ken no asino ti akin-kontrata.
-- ADVERTISEMENT --
