Ituloy ti Senate Blue Ribbon Committee ti imbestigasion ti flood control scam iti panagsubli ti session ti Kongreso inton Hulyo 27, no kas bilang pormal a mabukel ti komite, segun ken ni Senador Erwin Tulfo.
Pinasingkedan ni Tulfo a saan pay a mabalin nga agisayangkat ti panagdengngeg ti Blue Ribbon gapu ta kasapulan a madutokan pay dagiti miembro na iti umuna nga aldaw ti session kagiddan ti State of the Nation Address (SONA).
Karaman iti umuna a trataren ti isyu ti flood control projects ken masapul nga adda personalidad a madusa gapu ti kontrobersiya.
Impaganetget ti senador a mangipatungpal isuna ti baro a pagannurotan iti komite, pakairamanan ti naing-inget a beripikasion dagiti affidavit ken panangiparit ti ‘surprise witness’ tapno agbalin a nasayaat dagiti panagdengngeg.
Kagiddan ti agtultuloy nga imbestigasion, isingsingasing ni Tulfo ti panagipasa ti Senate Bill no. 1360 wenno ti Masterplan for Infrastructure and National Development (MIND) Act.
Gagem na a bumokel ti napaot a national infrastructure masterplan tapno saan a maimpluwensia-an ti politika ti panagpili ket panangipatungpal dagiti proyekto.
