Pinasingkedan ti Bureau of Corrections (BuCor) a maysa a kitkitaenda a pagbaludan dagiti umili a mabalin a ma-convict iti flood control anomaly ti Sablayan penal facility idiay Mindoro.
Iti naisayangkat a National Jail Decongestion Summit, pinasingkedan ni BuCor Chief Gregorio Catapang Jr. ti nasao a pasilidad a pakaipanan dagiti serious-heinous crime offenders.
Nakaituding a malpas iti pasilidad iti umuna a quarter ken no kas pangarigan ket isu ti pasilidad para kadagiti karaman iti flood control anomaly.
Kabayatanna, nakaituding a maisarra ti New Bilibid Prison idiay Muntinlupa ta maaramaten iti sabali a purpose.
Imbingay pay ti BuCor chief ti dakkel nga improvement ti kondisyon ti Bilibid, ta bimmaba ti congestion rate manipod 300% ket nagbalinen a 200%.
