Dua kadagiti tallo a naipadamag a natay iti fireworks explosion iti bisperas ti Baro a Tawen idiay Honolulu, Hawaii ket agkakabsat a Filipina, ken nakadunoran ti duapulo a tattao.
Ti Department of Foreign Affairs (DFA) ket saan pay a nangiruar ti statement, ngem ti report ket adda maysa a kabagian dagiti biktima ti nangpasingked kadagiti natay.
Nabigbig dagiti karaman a da Sisters Carmelita Turalva Benigno ken Nelly Turalva Ibarra kadagiti naipadamag a natay iti insidente kas pinasingkedan ti kaanakan ni Carmelita a ni Rylan Benigno.
Maibasar pay ti report, karaman pay ti aksidente ti anak a lalaki ken babai ni Carmelita, kabsat a babai ken tallo ti tawenna nga apoko na kadagiti nagsagaba iti burn inhury ken agdama nga agpaagas iti ospital.
Dinakamat pay dagiti report a ti panagbettak ket gapuanan dagiti illegal a paputok nga inladawan dagiti autoridad a kas “cake” wenno cluster tubes a naglaon iti agingga limapulo nga aerial rockets.
Kabayatanna, ti Philippine consulate general iti Honolulu ti mangmonitor iti kasasaad ken maki-coordinate iti Honolulu Police Department.
