Balligi ti panangisayangkat ti Commission on Elections ti Final Testing and Sealing dagiti baro nga Automated Counting Machines a maaramat inton aldaw ti eleksion.
Segun ken ni Comelec Chairman George Garcia, 100 percent successful dagiti makina, ken awan ti technical glitches a nairekord.
Dagitoy a makina ket paset iti kontrata ti Miru Systems iti salinong ti programa a FASTrAC (Full Automation System with Transparency Audit/Count) nga aggatad iti ₱17.9 bilyon.
Dagiti baro a features ti ACM ket dakdakkel a touch screen, napaspas a makabasa iti balota, ken QR-coded ti resibo para iti nalawlawag a verification.
Kalpasan ti testing, naselyoan dagiti makina ken naipaima iti Department of Education Supervisor Official (DESO) ken dagiti otoridad agingga iti aldaw ti eleksyon inton Mayo 12, 2025.
