Nawaya-wayaanen ni Lewelyn Dixon, agtawen iti innem a pulo ket uppat a Filipino green card holder nga immunan a naibalud idi simmangpet idiay Amerika.
Segun ti Philippine Consulate General idiay San Francisco, imbilin ti immigration judge ti pannakawaya-wayana manipod Tacoma Immigration and Customs Enforcement Center.
Immigrante ni Dixon idiay Amerika manipod pagilian iti napalabas a lima a dekada ken naikustodiya babaen ti Customs Border Patrol idi February 28 apaman a nakasubli iti Pilipinas.
Naibalud ti Pinay kalpasan ti panangipatungpal ti Trump Administration ti immigration crackdowns.
Segun ti Philippine Consulate General idiay San Francisco nga adda bayat ti hearing ti kaso ni Dixon idiay Tacoma, Washington idi May 29, ipaayda ti mayannatup a tulong ken tapno masigurado a ti karbenganna ket mairespeto.
