Fil-Am Autumn Durald Arkapaw, kaunaan a babai a nangabak iti Oscar iti best cinematography

Nagaramid iti pakasaritaan ti Filipino-American a ni Autumn Durald Arkapaw kalpasan a nangabak ti Oscar para iti Best Cinematography iti pelikula a Sinners iti 98^th Academy Awards.

Isuna iti kaunaan a babai a nakagun-od iti nasao a pammadayaw para iti nasao a kategorya.

Nagyaman ni Autumn iti director a ni Ryan Coogler ken iti amin a nakatrabahoanna iti pelikula.

Impaganetgetna iti panagyaman kadagiti amin a babbai a naam-ammona iti Oscars ken iti amin a babbai iti lubong.

Malaksid iti Best Cinematography, nagballigi pay ti pelikula a Sinners iti tallo pay a sabali nga Oscars kas ti Best Lead Actor para ken ni Michael Jordan, Best Original Screenplay para ken ni Ryan Coogler, ken Best Original Score para ken ni Ludwig Goransson.