Imbilin ti Bureau of Internal Revenue (BIR) iti insigida a suspension ti amin a field audits ken operasionda, pakairamanan ti pannakairuar ti Letters of Authority (LOA) ken Mission Orders (MO) kagiddan dagiti reklamo iti sumagmamano a negosyante ken taxpayers.
Segun ken ni newly-intalled BIR Commissioner Charlie Mendoza, ti suspension ket kasapulan tapno salakniban ti karbengan dagiti taxpayer, mapapigsa ti internal discipline, ken masigurado ti integridad iti audit processes.
Kinunana a tunggal reklamo ket tignayanda a seryoso ken aniaman a misuse iti authority, harassment wenno irregularity ket awan iti lugarna iti Bureau.
Sakup ti temporary suspension iti amin nga opisina iti BIR a karaman iti audit ken field operations pakairamanan iti Large Taxpayers Service, Revenue Regions ken District Offices, Assessment Divisions, VAT Audits Units, ken Intelligence and Special Audit Units.
