Pinasingkedan ni Senador Sherwin Gatchalian a marugyan ita a tawen ti napalawa a feeding program kadagiti pampubliko a pagadalan ken Child Development Centers (CDCs) tapno marisut ti malnutrition kadagiti Pilipino nga estudyante.
Iti salinong ti 2026 national budget, P25.7 bilyon ti nailatang para iti School-Based Feeding Program (SBFP).
Ita a tawen, sakop ti nadakamat a programa ti amin nga estudyante ti Kindergarten ken Grade 1 kadagiti pampubliko a pagadalan.
Palawaen pay ti programa ti bilang ti feeding days iti 200 manipud ti dati a 120 days.
Manamnama a 4.6 milyon nga estudyante ti magunggonaan ti programa, pakairamanan dagiti wasted, severely wasted, stunted, ken severely stunted learner’s manipud Grade 2 agingga Grade 6.
Kabayatanna, nagilatang met ti P9.2 bilyon iti salinong ti 2026 national budget para iti Supplementary Feeding Program (SFP) ti Department of Social Welfare and Development.
