VIGAN CITY-Banbantayan dagiti opisyal ti probinsiya ti Abra ken Philippine Institute of Volcanology and Seismology (PHIVOLCS) ti fault line , a naduktalan ,dwa a tawenen iti napalabas.
Ti pannakiuman ti Bombo Radyo Vigan kenni Pidigan ,Abra mayor Domino Valera, idiay Brgy. Immuli a nangipwestuan ti Phivolcs kadagiti instrumento da ket naapektaran ti landslide isu a nagbakwit dagiti 40 a pamilya a katukad ti nasurok 100 nga inbididwal ket agtaltalianed da kadagiti barangay hall ken Day Care Center.
Malaksid iti dayta ket adda pay dagiti lima a pagtaengan idiay Sitio Nagdaingan, Barangay Pangtod a sinerrek ti pitak nga umabot agingga iti tumeng.
Kabayatanna, nasurok 100 met nga inbidwal ti apektado idiay Barangay Alinaya, Pidigan ,Abra ta nagdissoor ti kalsada ken saanen a madalyasatan ti lugan.
Segun kenni kapitan Rey Brillantes, nalukneng ti daga ken nakurkuran ti danumisu a nagdissoor ket inreport nan iti munisipyo ti napasamak tapno masolusyonan kas iti pannakaaramid ti temporaryo a dalan .
