VIGAN CITY – Nasarakan a natay ti maysa a lalaki a Juvenila Frasers Dolphin idi kalman iti kabaybayan a paset idiay Brgy. Solot-Solot, San Juan.
Impakammo ni Brgy. Captain Ely Javier iti San Juan Municipal Police Station nga adda iti nakitada a natay a dolphin isu a napan dagiti pannakabagi ti linteg kaduada ti Municipal Agriculture Officer Romel Hilario, Jay Russel Cariño iti BFAR ken miembro iti Coast Guard ket nakitada laengen ti dolphin iti igid ti baybay.
Maibasar iti inisyal nga imbestigasyon ti BFAR, 42.5 inches iti kaatiddog ken 20 inches iti kaakaba ti dolphin ken agdagsen iti 5 kg ket mapatta-patta a tallo agingga uppat a bulanna pay laeng ken mapapati a nagsagaba iti internal bleeding a nangpakaru iti sakitna kas maibasar iti rashes iti tiyanna a gappuanan iti pannakatayna.
Nu pay kasta, maidalan ti proper disposition ti nasao a dolphin.
