--Ads--
VIGAN CITY- Duapulo ket dua a tao ti natay ti napasamak nga uram iti Aricell plant factory idiay South Korea gapu iti panagbettak ti sumagmamano a lithium battery.
Ti South Korea ti kangrunaan a managpataud kadagiti lithium battery, a maus-usar iti adu a banag manipud kadagiti electric vehicles ken laptop.
Segun ken ni Fire official Kim Jin-young, dagiti natay ket sangapulo ket walo a Chinese, maysa a Laotian ken dua a South Korean workers, idinto a saan pay a nabibig ti maudi a bangkay, ken posible nga adda pay ti maysa a mapukpukaw.
