Nakatuding a maituloy inton Hulyo 6 ti face-to-face classes dagiti estudyante idiay San Jose National High School.
Kagiddan ti panagsubli ti klase, inkari ni Tacloban City Mayor Alfred Romualdez nga ag-imbitar iti “entertainers” kas paset ti emotional healing dagiti estudyante a naapektaran iti napasamak a pammaltog iti pagadalan.
Segun ken ni Department of Education Tacloban City Division Information Officer, Dr. Nilo Eder, agtultuloy ti panangpasigurado da ti seguridad iti pagadalan.
Marugyan payen ti panagikabil ti perimeter fencing iti aglawlaw ti campus ken panag-install dagiti CCTV cameras iti intero a lugar.
Kabayatanna, plano ti Department of Education nga agikabil ti metal detectors iti entrance kadagiti darakkel a pagadalan iti siudad ti Tacloban kas paset ti nainginget a seguridad.
