--Ads--
Ad-adalen ti Department of Health (DOH) ti posible a pannakayatiddog ti sakup ti zero balance billing tapno mairaman kadagiti semi-private room para kadagiti barangay health worker (BHW).
Segun ken ni Health Secretary Teodoro Herbosa, ti plano ket kasaruno iti bilin ni Pres. Ferdinand Marcos Jr. nga yatiddog pay iti sakup iti programa iti intero a pagilian.
Iti salinong ti zero balance billing policy, saan a kasapulan nga agbayad dagiti pasiente kadagiti ospital iti DOH para iti serbisyo medikal, agas ken professional fees dagiti doktor.
Idi Setyembre ket impakaammo ti DOH a ngimmato ti daily average admissions kadagiti ospital iti ahensya manipod 3,297 ket nagbalin a 4,067 manipod naipatungpal iti nasao a polisiya.
-- ADVERTISEMENT --
