Insayangkat ti Civil Aviation Authority of the Philippines (CAAP) ti qualifying exams idi kalman kadagiti tallogasut nga examinees a kayatna nga agbalin nga aviation professionals.
Segun ken ni Bea Bernardo a CAAP information officer, ti comprehensive air traffic service qualifying examinations ket naipaay iti agduduma a testing centers iti intero a pagilian.
Awan ti quota para kadagiti kayatna a sumrek iti field ti air traffic control ken aviation communication systems.
Kadagiti nakaabot ti kasapulan nga standards ket agderetso iti next stage iti kurso.
Pinasingkedan ni CAAP Director General Raul del Rosario a ti qualifying examination ket investment iti baro a henerasyon iti aviation professionals a mangsalaknib iti masakbayan ti Philippine aviation.
Ti programa ket mangsuportar ti bilin ni President Ferdinand Marcos Jr. ken Transportation Secretary Vince Dizon nga ipangruna ti people-centric development.
