Sinungbatan ni dati a Senador Antonio Trillanes IV ti karit ti abogado ti dati a broadcaster a ni Jay Sonza maipanggep ti reklamo a cyberlibel nga impilana iti Department of Justice (DOJ).
Kasaruno dayta iti sarita ni Atty. Mark Tolentino a saan a rumbeng nga agbalin a balat-sibuyas ni Trillanes iti panagipilana iti reklamo.
Segun ken ni Trillanes, isu laengen ti aramatenda a depensa iti korte.
Kinuna ni Tolentino, maysa a public figure ni Trillanes isu a saan a rumbeng nga agbalin a balat-sibuyas.
Pinasingkedanna a nakalanad pay dayta iti rejoinder affidavit-da maipanggep ti reklamo a libel nga impila ni Trillanes kontra ken ni Sonza.
Iti agdama ket submitted for resolution ti reklamo a naipila kontra ken ni Sonza ket natalek isuna iti kampona a maibasura ti kaso.
