Pinatawan ti National Police Commission (NAPOLCOM) iti siam a pulo nga aldaw a preventive suspension ni Police Brigadier General Romeo Macapaz, dati a mangidaulo iti Criminal Investigation and Detection Group ken agdama a PRO12 Director gapu iti kaso a grave misconduct ken conduct unbecoming of a police officer.
Segun ken ni NAPOLCOM Commissioner Rafael Vicente Calinisan, naaprubaran ti reklamo ni Elakim Patidongan, a mangibagbaga a linapdan ni Macapaz ti imbestigasyon iti kaso dagiti mapukpukaw a mannadi.
Napabasul ni Macapaz nga iligal a nangala iti cellphone ni Elakim ken ti kabsatna bayat ti kaaddada idiay Cambodia, nagikkat kadagiti mensahe, ken indulinna ti SD cards a mabalin nga agserbi nga ebidensia.
Epektibo a dagus ti suspensyon ni Macapaz no la ket maawatnanton ti resolusyon.
