--Ads--
Matamtaming iti balay pagagasan ti maysa nga estudiante a nadungpar ti Vigan City ambulance iti sango ti University of Northern Philippines itay alas onse iti bigat.
Iti pannaki-uman ti Bombo Radyo Vigan ken ni PLTCOL. Reynaldo Mendoza Jr., naka-activate ti siren ti ambulansya a mapan koma iti Gabriela Silang Hospital ta adda itarayna a pasyente.
Bigla met a bimmallasiw iti pedestrian lane ti estudiante a puon ti pannakadungparna.
Pinadas a linisyan ti drayber ti estudiante ngem nadungparna latta a puon ti panagsagabana iti dunor iti ulo.
-- ADVERTISEMENT --
Ti met drayber ti ambulance ket naidalanen iti medical examination.
