Nainget a bambantayan ti Department of Education ti masansan a panaglangan dagiti estudiante kas posible nga early warning sign nga agkasapulan iti nasapsapa nga intervention.
Ad-adalen pay ti ahensia ti panagaramat iti AI tapno makita ti attendance patterns, behavioral patterns, ken dadduma pay a risk indicators kas paset iti napapigsa nga school threat assessment system.
Plano pay nga umuna a maikabil kadagiti lugar a maibilang a hotspots ti 10,000 school counselor associates.
Kagiddan dayta, mapapigsa ti anonymous reporting system tapno nadardaras a maipadanon dagiti estudiante dagiti posible a pangta.
Inlawlawag ti DepEd a saanna kayat a sawen a pangta iti seguridad ti maysa nga estudiante gapu laeng iti masansan a panaglanganna; maibilbilang laeng a posible a senyales a masapul a maadal.
