Inlawlawag ni Senador Francis ‘Chiz Escudero’ nga awan ti pakainaiganna iti aniaman a klase ti political accommodation wenno kasukat a pabor ti panagatendar na iti plenaryo idi Hunyo 3.
Ti panagatendar ni Escudero ket naka-basar iti obligasion ti Senado nga agisayangkat ti session ket kas panangsurot iti Saligang Batas, kalpasan ti mano nga aldaw a saan a naituloy dagiti responsibilidad gapu iti kinakurang ti quorum.
Segun iti senador, nalawag iti Constitution a saan a mabalin nga agtultuloy ti pannakaitantan ti session a lumbes iti naikeddeng iti limitasion.
Pinasingkedan ni Chiz a saan a masapul nga inaig dagiti kaso a sangsangoen na iti Office of the Ombudsman iti nagbalin nga addang na iti uneg ti Senado.
Innayon ti senador a no adda direkta nga impluwensia na daytoy kadagiti kaso na ket nabayag kuman a nagbaliw ti direksion dagiti isyu kontra kenkuana.
