Pinasingkedan ni Senador Erwin Tulfo, chairman ti Senate Committee on Social Justice, Welfare, and Rural Development a husto ti nagbalin a decision ni Presidente Ferdinand Marcos Jr nga yakar ti P36 bilion a flood control fund iti Department of Social Welfare and Development para kadagiti agrigrigat ken awan pagsapulanna nga umili.
Segun ken ni Tulfo, no DSWD ti pakaipanan ti pondo, maideretso kadagoti umili ken saan a maigganan dagiti pulitiko, opisial wenno kontraktor ti kuarta.
Kayat ni Marcos nga ilatang ti DSWD ti pondo iti Assistance for Individuals in Crisis Situations ken iti Sustainable Livelihood Program.
Ti AICS ket maysa a programa ti DSWD para kadagiti marigrigat ken dagiti kasapulanda nga emergency kas ti paggatang iti agas, pagbayad iti ospital, panagtabon, pagplete, ken dadduma pay.
Ti met Sustainable Livelihood Program ket pagbiagan a P15,000 nga ipapaay ti DSWD iti maysa a komunidad a mabalin a pagsapulan dagiti umili.
