--Ads--
Bambantayan ti Bangko Sentral ng Pilipinas ti epekto ti inflation iti pagilian.
Dayta ket kalpasan nga immabot iti 4.1 percent ti inflation wenno lebel ti panagpangina ti magatang ken serbisio iti pagilian idi Marso, manipud iti immuna a forecast-da a 3.1 agingga 3.9 percent.
Mapapati nga epekto daytoy iti panagpangina ti transport related cost gapu iti agtultuloy a riribuk iti Middle East a nagresulta iti panagpangina ti magatang agraman ti bagas.
Innayon ti BSP a no bilang agtultuloy ti oil price shock ket posible a mairaman pay dagiti dadduma a magatang.
-- ADVERTISEMENT --
Iti agdama, bambantayan ti BSP dagiti rekord tapno maammuan no ania dagiti agbalin nga addang tapno agtalinaed a kontrolado ti presio ti magatang sakbay dagiti monetary policy meeting-da.
