Epekto kadagiti agtutubo ti panagaramat iti online games ken social media, kayat a paimbestigaran ni SP Gatchalian

Papaimbestigaran ni Senate President Sherwin Gatchalian ti epekto ti online gaming platform ken panagaramat iti social media kadagiti ubbing.

Dayta ket gapu iti panagpangato ti bilang dagiti mapaspasamak a kinaranggas a nakairamanan dagiti agtutubo.

Iti Senate Resolution 488 nga impila ni Gatchalian, gagemna ti mangisingasing ken mangital-o kadagiti polisiya ken gakat a mangsalwad kadagiti Pilipino nga ubbing kontra iti dakes nga epekto ti digital exposure-da.

Impaganetget ti Senate President a saan a mabalin a mayaleng-aleng ti epekto ti kinaawan kontrol a digital exposure kadagiti agtutubo.

Innayonna pay a panawenen tapno masigurado a makanay dagiti polisiya a mangsalwad kadagiti ubbing.