Saan nga itulok ti gobierno nga agturong iti energy lockdown ti nakaro a mapaspasaran a parikut ita ti pagilian a nangina ti presiona iti produkto-petrolyo.
Dayta ket uray no natangken pay laeng ti Iran a maaddaan iti negosasion kalpasan a rauten ida ti Israel ken Amerika.
Segun ken ni Palace Press Officer Atty. Claire Castro, agtultuloy ti panagkararag ti amin a malpasen ti riribuk ken maaddaan ti panagkikinnappia tapno malpasen ti riribuk.
Kunana a saan nga agsardeng ti gobierno nga agsapul iti pangalaan iti suplay ti langis ta saanda a kayat a sangwen ti pagilian ti nakaro a peligro.
Karaman kadagiti pagilian a kapatpatang ti Pilipinas a pagalaan iti suplay ti langis ti India, Argentina, Canada, ken dadduma pay a pagilian a saan nga agdepdepende iti langis iti Middle East.
