VIGAN CITY- Desidido ni Vernon Lizardo Gallardo nga agtawen iti dua pulo ket uppat ken empleyado ti local a gobierno ti Bangued, Abra a mangidarum iti katrabahoan na a ni Ronald Gines Baro nga agtawen iti lima pulo ket tallo, naasawaan ken agnaed idiay Zone 7, Bangued, Abra a nangpaltog kenkuana.
Segun ken ni Police Chief Inspector Dominador De Guzman, hepe ti Bangued municipal police station, self-defense iti depensa ti suspek iti napasamak ta sakbay iti dayta ket alas onse y media ti rabii, limmabas iti sangwanan iti pagtaengan na da Kenry Edison Gallardo nga agtawen iti dau pulo ket walo kenni Romulo Baldemor nga agtawen iti dua pulo ket uppat ket nairana a nadadaelan iti motorsiklo a nagluganan da.
Gapu ti amak ti suspek, inasitgan na dagiti dua ket bigla lattan a dinanug na ni Baldemor isu a timmaray ni Kenry a napan nagpaarayat iti kabsat na.
Ket idi nagsubli dan iti nasao a lugar, nagamak ti suspek a posible a bumales ti biktima ken ti kabsat na isu nga inunaan na idan ket pinaputukan na ida iti mamindua a daras ngem ni laeng Vernon iti natamaan isu a naipaagas idiay Abra Provincial Hospital.
