Nagpalagip ti Department of Labor and Employment (DOLE) kadagiti employer iti pribado a sektor a saan a rumbeng a madusa dagiti empleadoda a saan a makastrek kasaruno iti napigsa a ginggined idiay Sarangani ken kadagiti kaasidegna a lugar.
Segun ken ni Labor Secretary Francis Tolentino, mabalin a suspensoen ti trabaho iti kas iti nasao a sitwasyon kas mayataday iti Labor Advisory No. 15, Series of 2025.
Naallukoy amin nga employers a mangted iti nayon nga insentibo kadagiti sumrek iti trabaho kas iti hazard pay, compensatory time off, transportation service ken food allowances.
Napakaammoan dagiti mangmangged nga insigida nga ipakada kadagiti employer no adda peggad wenno pangta iti kinatalged iti panagturongda iti trabaho kasaruno iti napigsa a ginggined.
Dagiti met kameng nga agtrabtrabaho iti public utilities, health services, vital operations, ken paset iti skeleton workforce ket rumbeng nga umawat iti buo a sueldo ken dadduma pay a benepisyo iti salinong ti Labor Code.
