VIGAN CITY – Naisayangkat ita nga aldaw ti panagpipili ti University of Northern Philippines para kadagiti pwesto ti Student Council ti nasao a pagadalan.
Dua nga aldaw iti naituding a panagbotos dagiti estudayante kadagiti kayatda a sumuruno a mangidaulo ken mangibagi kadakuada.
Mabalin nga agbotos dagiti agadadal babaen ti Online kasapolan laeng a mapanda kadagiti link a naited kasta met ti aldaw ken oras a nakaituding para kadakuada ken iti on site a panagbotos no sadino agturongda kadagiti presinto ti college nga ayanda.
Para ti online voting masapol dagiti estudyante nga ikabil ti Student I.D ken Passcode ken no on site ket ti passcode ti kasapolan.
Agsango para kadagiti nadumaduma a posisyon ti Student Council ti dua a partido manipod DAGYAW Party a ti para presidenteda ket ni Daryll Jeremy Virtudes ken manipod ti Rise Up Party ket ni Rex Denver Novida.
Maammuan ti resulta kalpasan ti maudi nga aldaw ti panagpipili inton June 3.
