Mangrugi ita nga aldaw ti nationwide ban ti panagikut kadagiti paltog ken iti pannakayakar, reassignment wenno pannakasuspenso dagiti state workers ken officials, para iti panangrugi ti election period sakbay ti May Election.
Babaen ti Omnibus Election Code, mangrugi ti panawen ti eleksioN, siam a pulo nga aldaw sakbay ti aldaw ti eleksion ken agpatingga iti tallopulo nga aldaw kalpasan, wenno inton June 11.
Kabayatan daytoy a panawen, maiparit ti panagitugot wenno panagibiahe kadagiti paltog wenno dadduma pay a deadly weapons, malaksid no autorisado iti Comelec.
Maiparit pay kadagiti kandidato nga agusar kadagiti security personnel wenno bodyguard malaksid no autorisado met laeng ti Comelec.
Segun ti Comelec a maiparit met ti organisasyon, deployment ken maintenance dagiti reaction forces, strike forces wenno similar entities.
Maiparit pay ti pannakayakar wenno pannakaituding manen dagiti opisial ken empleado iti civil service, malaksid no upon prior approval ti Comelec.
Mangrugi ita nga aldaw, maiparit ita nga aldaw ti suspension iti elective provincial, city, municipal wenno barangay officer nga awan iti approval ti Comelec.
Inyunay-unay ti COMELEC nga iti panaglabsing kadagiti prohibited acts ket maibilang nga election offense, nga adda sanctions-na a pannakaibalud ti maysa agingga innem a tawen, wenno disqualifiactions iti public office ken pannakaikkat ti karbengan nga agbotos.
