Saan a nagballigi a makaala iti medalya ti Paris Olympic-bound a ni Ernest John “EJ” Obiena ta maikapat laeng iti puestona iti Wanda Diamond League – Meeting de Paris idiay Stade Charlety Paris, France.
Naartapan ni Obiena ti 5.75 meters ken nag tie da ken ni Emannouil Karalis ti Greece.
Nupay kasta, saan a nakaabante ni Obiena ta saanna a naartapan ti 5.85 iti dua a gandatna ken ti 5.95 iti maudi a gandatna.
Nangabak iti event ti defending Olympic champion a ni Arman Duplantis ti Switzerland nga adda 6 a nairekordna ken ni Sam Kendricks ti United States nga adda 5.95 na.
Maikatlo met iti puesto ni Thibaut Collet ti France.
Kabayatanna, manamnama a makapuesto ni Obiena iti Paris Olympic Games babaen iti global rankingna kadua ni Duplantis nga akin-iggem iti world record a 6.24 meters a nangartap kenkuana.
