VIGAN CITY – Nagpositibo a marijuana dagiti naala nga iligal a droga kadagiti tallo nga estudyante a nakemmeg iti buy-bust operation idi kalman, October 23, idiay Barangay Tamag, Vigan City.
Nabigbig dagiti suspek a da Adrian Alconcel nga agtawen ti dua pulo ket maysa a taga- Magsaysay Village, Tamag, Vigan City; John Luke Vincent Gatulayao nga agtawen ti dua pulo ket maysa a taga – Tapao, Sinait kenni Aaron Francis Lauretta Barbadillo nga agtawen ti sangapulo ket siyam a taga- Patukannay, Bangued, Abra.
Ni Alconcel kenni Gatulayao ket makasoan iti panaglabsing ti Republic Act 9165, nangruna ti Section 5, 11 ken 15 ta nakagatang kadakuada dagiti otoridad ti dua a dadakkel a pakete iti napagango a bulong iti marijuana ken nagpositibo da pay iti illegal drug test.
Kabayatanna, ni Barbadillo ket panaglabsing ti RA 9165, nangruna ti Section 15 laeng iti posible a sanguen na ta awan iti nagatang ken naala kenkuana a marijuana ngem nagpositibo iti illegal drug test a dimmalanan na.
