Pakaragsakan ni Senador Win Gatchalian iti pannakapirma ti Early Childhood Care and Development (ECCD) System Act, maysa a napateg a reporma a mangtutok iti panangpatibker ti pundasyon dagiti ubbing a zero to 5 years old.
Sakupen ti Early Childhood Care and Development System iti amin a probinsia, siudad, ili ken dagiti barangay tapno nagun-od ti universal ECCD access kadagiti nasao nga age group.
Paset ti sistema dagiti programa nga adda pakainaiganna ti salun-at, nutrisyon, early childhood education ken social services development programs.
Ti local government units ti agbalin a responsable iti pannakaipatungpal ti ECCD System ta akmenda ti probisyon dagiti pasilidad ken resources para iti epektibo a pannakaipaay dagiti programa ken serbisyo nga adda pakainaigan ti ECCD.
Mandato pay kadagiti LGU ti panagaramid ti plantilla positions para ti Child Development Workers (CDWs) ken Child Development Teachers (CDTs).
Siguradoen pay dagiti LGU nga adda maysa a Child Development Center tunggal barangay.
