Impakaammo ti Department of Transportation (DOTr) kadagiti motorista a mabalinda nga usaren ti electronic wenno e-driver’s license kasukat ti physical license ken agbayad ti traffic violations online.
Segun ken ni Acting Transportation Secretary Giovanni Lopez, iti salinong ti DOTr Department Order No. 2023-015 a nairruar idi 2023, nasken nga awaten ti LTO law enforcement officers ken dagiti deputized agents ti e-driver’s license kas valid nga authorization iti panagmaneho.
Innayon ni Lopez a mabalin pay nga agbayad iti online dagiti motorista usar ti Temporary Operator’s Permit (TOP) no naglabsing-da iti traffic violation.
Ti e-driver’s license ket mabalin a maala babaen iti panag-apply wenno panag-renew ti lisensya usar ti LTMS portal. Reynand Fontejon
