VIGAN CITY – Natay ti duwa a driver ti motorsiklo ken matamtaming iti backrider na iti napasamak nga aksidente idiay Brgy. San Roque, Santiago.
Dead on arrival ti ospital da Charles John Flordeliza agtawen uppat a pulo ket lima a nagmaneho ti Honda TMX ken iti menor de edad a driver ti Honda Beat 125 Motorcycle a ni Keith Bongolan Borja nga agtawen sangapulo ket pito ken matamtaming iti kaddua na a ni Mark Jayson Bongolan agtawen sangapulo ket innem nga agpada nga agnaed ti Brgy. Gabao, Santiago.
Segun ti Santiago Municipal Police Station, agpaabagatan a direksyon ti motor a minaneho ti menor de edad agingga a naawanan iti kontrol iti manibela na ken naidungpar ti sumungsungad a Honda motorcycle.
Innayon ti PNP a saan da pay ammu no manu iti gatad dagiti motorsiklo a nadadael gapo iti napasamak nga aksidente.
