--Ads--
VIGAN CITY- Dua agingga tallo dagiti kandidato nga agpapili iti national level iti agtaltalinaed a sukir ta saan da pay laeng a nagikkat kadagiti nagkaiwara a campaign posters da, nangruna idiay Metro Manila.
Ti eksklusibo a pannaki-uman ti Bombo Radyo Vigan ken ni Commission on Election (Comelec) spokesman James Jimenez, naibaga na nga idi nagpasyar da idi February 23 ken February 24 ket maibaga na a nasurok lima pulo a porsyento kadagiti nagkaiwara nga illegal campaign paraphernalia, nangruna dagiti campaign posters ken billboards, iti naikkaten kadagiti sigud a nakaisab-itan da.
Maipalagip nga inton February 28 ket isunto ti panangisayangkat ti Comelec iti nainget nga Oplan Baklas kadagiti illegal campaign paraphernalia.
