VIGAN CITY – Agpada a newly identified drug personality dagiti nakemmeg iti naiwayat a buy-bust operation idi alas dyes iti rabii idi June 15 idiay Barangay Tablac, Candon City.
Segun ken ni Police Lt. Col. Jugith del Prado, hepe ti Candon City police station, manarimaanen iti imbestigasyon da kadagiti posible a kakadua pay dagiti nakemmeg da a suspek a da Elaydia Frederick Festejo nga agtawen iti dua pulo kenni Ricci Lee nga agtawen iti dua pulo ket dua, agpada nga awanan iti pagsapulan ken agnaed idiay Barangay San Juan, Candon City.
Naibaga dagiti suspek a naisongsong da laeng kadagiti barkada da isu a patien ni del Prado nga idiay met laeng syudad ti Candon wennu kabangibang na a lugar iti pakasarakan to kadagiti gagayyem da Festejo kenni Lee.
Naala kadagiti suspek iti maysa a transparent heat sealed plastic sachet a naglaon iti napagango a bulong ti marijuana a nagserbi a buy-bust item, sabali pay iti maysa a transparent heat sealed plastic sachet a naglaon iti semi-burned suspected dried marijuana leaves, maysa a medium size zip lock plastic sachet a naglaon iti napagango a bulong ti marijuan, maysa a nangisit nga ey glass case a naglaon iti maatap a marijuana resiude, maysa a cellphone, lighter ken sangaribo a pisos a marked money.
Dagiti naala kadagiti suspek nga ebidensya a maiparit nga agas ket agdagsen iti 1.18 a gramo nga aggatad iti sangaribo a pisos.
