VIGAN CITY – Panaglabsing iti Section 4 iti Provincial Ordinance No. 15-06 Series of 2015 wenno ti Animal Quarantine Ordinance iti probinsia iti sanguen dagiti dua a driver iti dump truck a kinemmeg dagiti otoridad idiay Nagbukel.
Naduktalan dagiti otoridad nga awan iti naan-anay a dokumento nga ikot dagiti dua a driver iti dump truck para kadagiti ibyahe da a baboy.
Nabigbig dagiti driver a da Jimmy Conbis, naasawaan ken agnaed idiay Barangay Tiktik, Pilar,Abra a nagmaneho iti mini dump truck a nagkarga ti sangapulo a baboy kenni Renato Banez Doming, nga agtawen ti dua pulo ket innem a naasawaan nga agnaed met laeng iti nasao a lugar a nagmaneho iti mini dump truck a nagkarga ti pito a baboy.
Kadua ti Nagbukel Municipal Police Station dagiti agbanbantay ti quarantine checkpoint idiay Narvacan a nangkemmeg kadagiti dua a nagmaneho ti mini dump truck.
