VIGAN CITY – Tallo nga indibidual iti karaman iti napasamak nga aksidente idiay Brgy. Matibuey, San Emilio.
Nabigbig dagiti karaman ti aksidente a da Onofre Maninggan agtawen ti tallo pulo ket pito driver ti Red Honda XRM 125 ken ti kalubbonna a ni Rommel Raymundo agtawen ti tallo pulo ken ti maysa a menor de edad a lalaki nga agtawen ti sangapulo ket uppat a driver ti maysa a Black Honda XRM 125.
Segun ti San Emilio Municipal Police Station, agpapalaud a direksyon ti motorsiklo da Maninggan ken Raymundo ket agpapadaya a direksyon ti motorsiklo ti menor de edad a kellaat a napan iti linya dagiti dua a puon iti panagdinnungparda.
Naipan nga immuna ti Candon City General Hospital dagiti dua a driver ngem naiyalis ni Maninggan idiay Metro Vigan Hospital ken ti menor de edad ken naipan idiay Northside Doctors Hospital.
