Inwaragawag ni Senator Ping Lacson dagiti maatap a “ghost infrastructure projects” idiay Taguig a mainaig ken ni Senator Alan Peter Cayetano.
Segun ken ni Lacson,ti P6.79 bilion a budget insertions iti 2025 General Appropriations Act ket adu a slope protection ken drainage projects ng aggatad ti P100 a milion tunggal maysa.
Inlawlawagna met a dagiti dadduma kadagiti proyekto a mainaig iti kompania a kukua ti pamilya Discaya ket nangrugi pay idi 2019–2020, Idi ni Cayetano ti Speaker ti Kamara.
Kinuna ni Lacson nga agtultuloy nga agurnong iti ebidensya, pakairamanan ti maipagarup a 25% a kickback iti sumagmamano nga infrastructure projects, ken inkari nga agruar pay iti dadduma nga impormasyon.
Segun met kenkuana, 68 kadagiti 70 a proyekto iti babaen ti P6.79 a bilion a budget insertions ti naipatungpal, bayat a ti dua a nabati a proyekto a nga aggatad iti P75 a milion ket saan a nailukat wenno nailatangan iti pondo.
