VIGAN CITY – Naikursong iti pagbaludan dagiti dua a naglugan ti jeep gapu iti panagikot da iti paltog idiay Sitio Pao, Barangay Sapaac, Bangued, Abra.
Nabigbig dagiti suspek a da Randy Fernandez Sambo nga agtawen ti sangapulo ket lima nga agnaed idiay Barangay Calot, Bangued, Abra kenni Servando Ibana Molina, Jr., nga agtawen ti tallo pulo ket siyam, maysa a negosyante nga agnaed idiay Barangay Sapaac, Bangued, Abra.
Manarimaan iti checkpoint dagiti kameng ti linteg idiay Sitio Pao, Barangay Sapaac , ngem imbes nga agsardeng da, tinarayan dagiti dua iti checkpoint a rason iti panangkamat kadakuada dagiti kameng ti linteg a poon ti nakakemmegan da.
Naala kadakuada ti dua a paltog, caliber 45 ken caliber 40, pakairamanan ti bala.
Agsipud iti dayta, sumango dagiti dua ti panaglabsing ti Republic Act 10591 wennu panagikot iti saan a lisensyado a paltog.
