VIGAN CITY – Nakasoanen dagiti dua a suspek a nakemmeg iti buy bust operation idiay Brgy. Poblacion, Sto. Domingo idi January 22 gapu iti panaglabsingda ti Republic Act 9165 wenno Comprehensive Dangerous Drugs Act of 2002.
Dagiti suspek ket da Joseph Siazon, agtawen ti uppat a pulo ket maysa, newly identified drug personality nga agnaed idiay Bayubay Sur, San Vicente kenni Salvador Rios, agtawen ti lima pulo ket pito, maysa a drug surrenderee ken agnaed idiay Barangay Bantaoay, San Vicente.
Naala kadakuada ti innem a heat sealed transparent plastic sachet iti mapapati a shabu ken buy-bust money isu a nakemmeg da ket naipan da idiay Sto. Domingo municipal police station lock-up facility.
Ti agdama, maiyur-uray iti pannakaiyakar dagiti dua idiay Ilocos Sur Provincial Jail.
