VIGAN CITY – Pinasingkedan ni Department of Trade and Industry- Ilocos Sur Director Grace Lapastora a linawas nga agmonmonitor da iti suplay kadagiti facemask ditoy probinsia.
Dayta ket idi pay laeng bimtak ti Taal Volcano idiay Batangas ta adda dagiti taga- Ilocos Sur a ginulpe da ti naggatang ti facemask nga inpatulod da kadagiti kabagyan da kadagiti naapektaran idi ti ashfall.
Segun kenni Lapastora, nabilinda manen a monitorenen dagiti suplay iti facemask iti kangitingitan ti coronavirus disease 2019 ket dua pulo ket walon nga ili ditoy probinsian iti namonitordan ket agpapada iti resulta iti monitoring da, no saan a limitado ket agkurkurang iti suplay.
Inlawlawag na a saan nga agsardeng iti pannakaideliver dagiti suplay ti face mask ngem adda laeng iti tiempo nga awan iti suplay wenno nadepende iti kinapaut iti sumaruno a delivery.
