--Ads--
Impaganetget ni Department of Social Welfare and Development Rex Gatchalian a saan ida a linoko ni ‘Imburnal Girl’.
Segun ken ni Gatchalian, paset ti ‘Imburnal Girl’ iti ‘Pag-abot Program’ ti DSWD a mangtultulong kadagiti pamilia nga agnanaed kadagiti kalsada.
Inlawlawag ni Gatchalian a dimmalan ni ‘Imburnal Girl’ iti evaluation dagiti social worker ken saan a namnaminsan a naited ti P80,000 a tulong kenkuana.
Adu a netizen ti nangbabalaw iti DSWD kalpasan nga inamin ni ‘Imburnal Girl’ wenno Rose iti pudno a nagan, nga agar-aramat iti iligal a droga ta kunada nga adu ti agpakpakarigat a pumila iti opisina ti ahensia para iti bassit a gatad.
-- ADVERTISEMENT --
